Վիտամիններ պահածոների մեջ

Ինձ հետաքրքրում է, արդյոք պահածոների մեջ վիտամինները պահպանվու՞մ են, թե՞ ոչ:

Լ.Պողոսյան, ք.Աշտարակ

Թթու դրած  բանջարեղենի մեջ պահպանվում են գրեթե բոլոր վիտամիններն ու միկրոտարրերը: Դրա հետ մեկտեղ, որոշ տեսակի պահածոյացված բանջարեղենը նույնիսկ ավելի օգտակար է, օրինակ թթու դրած կաղամբը: Կաթվա-թթվային մանրէները, որոնք առաջանում են թթվեցման ժամանակ, թույլ են տալիս լրիվ պահպանել բոլոր վիտամինները, այն դեպքում, երբ թարմ կաղամբի մեջ դրանք քայքայվում են երկար պահպանելիս:

Սակայն սրտայիններին և հիպերտոնիկներին խորհուրդ չի տրվում չարաշահել աղ դրած բանջարեղենը: Բանն այն է, որ դրանց մեջ աղի պարունակությունը շատ ավելի բարձր է, իսկ դա կարող է հանգեցնել զարկերակային արյան ճնշման բարձրացման: Լոլիկից և տաքդեղից  պատրաստված կծու պահածոները հակացուցված են գաստրիտով և ստամոքսի խոցով տառապող անձանց: Այս պահածոներում մեծ քանակությամբ առկա քացախն ու համեմունքները կարող են հիվանդության սրացման պատճառ հանդիսանալ: Իսկ ահա մուրաբաներն ու ջեմերը վիտամինների առատությամբ այնքան էլ «չեն փայլում»: Մրգերի ու հատապտուղների եփման ընթացքում դրանցում պարունակվող վիտամինները 30%-ը ոչնչանում է, բայց դրա հետ մեկտեղ մուրաբաներում և կոմպոտներում շատ բջջանյութեր ու պեկտիններ կան: Այս նյութերն իջեցնում են արյան մեջ վատ խոլեստերինի մակարդակը և լավացնում  մարսողությունը: Ամենից շատ օգտակար են, այսպես կոչված,«հում մուրաբաները», որոնց պատրաստման համար հատապտուղները չեն եփում, այլ, պարզապես տրորում են շաքարի հետ, այդպիսով պահպանելով  բոլոր օգտակար նյութերը:

Բայց, եթե դուք հակված եք գիրության, կամ տառապում եք շաքարային դիաբետով, ավելի լավ է խուսափեք բոլոր տեսակի կոմպոտներից, մուրաբաներից ու ջեմերից: Ամենալավ միջոցը բանջարեղենի, մրգերի ու հատապտուղների խորը սառեցումն է, իսկ եթե չեք ցանկանում կորցնել վիտամինների մեծ մասը հարկ չկա  սառեցումից առաջ դրանք  լվանալ:

Հարցեր, պատասխաններ, մեկնաբանություններ